Kamp veror ne Angli

Kampi Veror në Angli – Një përvojë që ndryshon jetën

Një program veror ndërkombëtar me mësim të gjuhës angleze dhe aktivitete të strukturuara

Mirë se vini në Kampin Veror në Angli 2026, një program ndërkombëtar i dedikuar për fëmijë që dëshirojnë të përmirësojnë gjuhën angleze, të zhvillojnë aftësi sociale, pavarësi dhe vetëbesim, si dhe të përjetojnë një verë edukative në Mbretërinë e Bashkuar, në një ambient të sigurt dhe të organizuar.

Programi organizohet në bashkëpunim me XUK Summer Camp në Wiltshire, Angli, një nga kampet verore më të njohura dhe me traditë në Mbretërinë e Bashkuar. Kampi kombinon mësimin e gjuhës angleze me aktivitete të përditshme, sport, kreativitet dhe ekskursione, duke u fokusuar në komunikim praktik dhe përvoja reale.

Grupmosha: 10-17 vjec
Data: 2-9 Gusht 2026

Regjistrohu

Rreth XUK Summer Camp

Në XUK Summer Camp, kujdesi dhe mirëqenia e fëmijëve janë prioritet absolut. Kampi njihet ndër vite si një nga programet më të organizuara dhe më të besueshme në Mbretërinë e Bashkuar, duke ofruar një ambient të sigurt, mikpritës dhe profesional, ku çdo fëmijë ndihet i mbështetur, i vlerësuar dhe i inkurajuar të zhvillojë potencialin e tij maksimal.

Me standarde të larta sigurie, staf të trajnuar profesionalisht dhe një qasje të balancuar mes edukimit dhe argëtimit, XUK krijon një eksperiencë që ndërton vetëbesim, pavarësi dhe aftësi sociale për jetën.

XUK Summer Camp në shifra

• Themeluar në vitin 1996
• 29 vite përvojë në organizimin e kampeve verore ndërkombëtare
• Mbi 20,000 pjesëmarrës ndër vite
• Përfaqësim nga 106 nacionalitete nga e gjithë bota

Këto statistika e pozicionojnë XUK si një nga kampet verore më të suksesshme dhe më të preferuara në Mbretërinë e Bashkuar, duke ndërtuar një komunitet global dhe një reputacion të qëndrueshëm ndërkombëtar.

Përvoja e Anglia Academy Kosovo në Kampe Ndërkombëtare

Anglia Academy Kosovo, që nga viti 2006, ka përvojë të gjatë dhe të dëshmuar në organizimin e kampeve dhe shkollave verore ndërkombëtare për fëmijë nga Kosova.

Gjatë viteve, Anglia Academy ka organizuar dhe koordinuar me sukses kampe dhe programe verore jashtë vendit, duke u ofruar fëmijëve kosovarë përvoja edukative dhe kulturore në ambiente ndërkombëtare dhe të sigurta.

Fëmijë nga Kosova janë dërguar nga Anglia Academy në:

Angli
Holandë
Slloveni

Kjo përvojë shumëvjeçare garanton organizim profesional, siguri maksimale, përgatitje të plotë të dokumentacionit dhe mbështetje të vazhdueshme për prindërit dhe fëmijët gjatë gjithë procesit të aplikimit, udhëtimit dhe qëndrimit në kamp.

Lokacioni dhe Ambienti i Kampit

XUK Summer Camp zhvillohet në ambientet e Dauntsey’s School në Wiltshire, një lokacion i jashtëzakonshëm për organizimin e kampeve verore.

Kampi shtrihet në një hapësirë prej 150 hektarësh dhe ofron kushte shumë të mira për akomodim, sport dhe aktivitete rekreative.

Facilitete kryesore:

5 konvikte të pavarura për akomodim
Pishinë e brendshme e ngrohur
Sallë moderne sportive e brendshme me mur për ngjitje
Zona “Forest School” për aktivitete në natyrë
Dy fusha sportive me bar artificial
Hapësira të përbashkëta të gjera dhe të pajisura mirë
Dhoma fjetjeje komode dhe mikpritëse
Kuzhinë dhe mensë funksionale

Ushqimi dhe Kujdesi Ushqimor

Në XUK promovohet ushqyerja e shëndetshme dhe e balancuar. Fëmijët marrin mëngjes, drekë dhe darkë çdo ditë, të përgatitura në kuzhina profesionale.

Çdo ditë përfshihen:

Mëngjes kontinental dhe tradicional i ngrohtë
Drekë dhe darkë me:
- Vakt kryesor ushqyes
- Opsion vegjetarian
- Bar sallatash/paste
- Ëmbëlsirë
- Fruta të freskëta

BBQ-të tradicionale të XUK organizohen dy herë në javë dhe janë një nga aktivitetet më të pëlqyera nga fëmijët.

Alergji dhe preferenca ushqimore

Nëse fëmija ka ndonjë alergji ose intolerancë ushqimore, kjo duhet të deklarohet paraprakisht. Kampi përpiqet të ofrojë alternativa dhe respekton gjithashtu preferencat fetare (p.sh. Hallall dhe Kosher), duke shmangur mishin e derrit në shumicën e shujtave.